27. 10 iyul, 1856-cı ildə xorvatiyada doğuldu. 1885-ci ildə bir müddət edisonla işləməyə başladı. hazırladığı layihə müqabilində edison ona 50 000 dollar verəcəyini demişdi. lakin layihə hazır olduqdan sonra edison bunun bir amerikan zaraftı olduğunu deyir. həmin gün tesla onun yanından ayrılır və ömrünün axırına qədər edisonla düşmən olur.

tesla istehsalı daha asan və daha gur işıq verən lampaları kəşf etməsi ilə edison üzərində böyük bir qələbə çalır. 1893-cü ilin 1 mayında 200-dən artıq lampanın bircə düyməyə basmaqla yanmağı və böyük bir meydanı tamam işıqlandırmağı dünyanı dəyişdi. artıq gecələr zülmət olmayacaqdı. nikola tesla sayəsində bir düyməyə basmaqla bütün küçələri, meydanları, parkları işıqlandırmaq mümkün idi. məhz bu səbəbdən gecələri gündüzə çevirən adam kimi tarixə düşdü.

günümüzdə istifadə etdiyimiz pultlardan avtomobillərə qədər, ətrafda gördüyümüz işıqlandırma sistemlərinə və kosmosa göndərdiyimiz müxtəlif cihazlara qədər bütün rahat yaşayışımızı, texnoloji nailiyyətlərimizi nikola teslaya borcluyuq. həmin şəxsə ki, o, insan övladının daha rahat həyat sürməsi üçün çalışan bir dahi olmaqla yanaşı, müasirlərinin gözündə saplantıları olan ruhi xəstə idi. nikola teslanın qəribəlikləri saymaqla bitməz. lakin onların ən maraqlı, ən dəhşətli olanlarını ardıcıllıqla yazıram:

1.simsiz rabitənin mümkünlüyünü irəli sürəndən sonra kosmosla əlaqəyə girdiyini, kosmosdakı canlılarla danışdığını iddia etdi. bu sizə sadəcə bir dəlilik kimi görünür, elə deyil? amma bir anlıq düşünün, nikolo teslanın kəşf etdiyi simsiz rəbitə sayəsində bu gün kosmosa müxtəlif cihazlar göndərilir, kosmosun şəkilləri çəkilir, planetlərin, ulduzların səsi yazılır. teslanın kəşfindən 100 il sonra onun kəşfi insan övladına kosmosla əlaqəyə girmək üçün şərait yaratdı. sizcə, 100 il əvvəl teslanın kosmosla əlaqəyə girdiyini iddia etməsi bir dəlilik idi, yoxsa özündən 100 il sonranı görmək qabiliyyəti?

2.nikola tesla yaralı quşlara qarşı həssaslıq duyurdu. o, ayağı, qanadı qırılmış quşları müalicə edir, sağaldırdı. dəftərində bu quşlardan birinə aşiq olduğunu, onun ruhunu gördüyünü və sevdiyini yazırdı. bu quş göyərçin idi.

3.nikola teslanın bu qəribə saplantısını 3-cü sırada verməyim təsadüf deyil. tesla gördüyü bütün işləri, öz yaşam tərzini 3 rəqəminə uyğunlaşdırmışdı. ömrünün son on ilini keçirdiyi oteldə 3 rəqəminə bölünə bilən nömrəsi olan bir otaqda qalmağı israr etmişdi. buna görə də ona 3327-ci otaq verilmişdi. o, yemək yeyərkən 3 boşqabdan istifadə edər, 9(3×3) solfetdən, 9(3×3) dilim çörəkdən istifadə edərdi. hətta otağına gələn dəsmal sayısı da bəzən 3, bəzən 9(3×3) ədəd olardı.

4. mikroblardan dəhşətli şəkildə qorxardı. əllərini çox tez-tez yuyar, tez-tez duş alardı.

5.nikola tesla heç vaxt evlənmədi. tarixçilər teslanın münasibətdə olduğu bir nəfərə belə rast gələ bilmirlər. dəftərində həyatı boyunca sekslə məşğul olmadığını yazdı.

6.tesla qulağını deşib sırğa taxan qadınları görəndə əzab çəkərdi. deşik qulaqlara və zinət əşyalarına fobiyası vardı. bunlara rast gələndə bütün bədəninin ağrıdığını yazır. bir sırğa görməyin onda yaratdığı təsiri belə izah edir: “bu, taxtaya barmaq sürtmək kimidir!”

1943-cü ilin 7 yanvarında qaldığı otel otağında tək başına vəfat edir. ölümündən bir gün sonra otel xidmətçiləri onun cansız bədənini tapır. teslanın ölüm xəbəri yayılandan sonra amerika onun bütün ixtiralarına əl qoyur. çünki onun ixtiraları arasında güclü silahlar ola bilərdi və o dönəmdə davam edən ikinci dünya müharibəsində almanlar bundan yararlana bilərdi. lakin amerika araşdırmaçıları teslanın ixtiraları arasında müharibə əhəmiyyətli bir şey tapmadığı üçün bütün əlyazmaları muzeyə göndərir. müasir dövrdəki tədqiqatçılar isə teslanın ixtiralarının çoxunun itdiyini, yaxud teslanın bilərəkdən onları məhv etdiyini deyir. araşdırmalar göstərir ki, tesla “ölüm işığı” adlı bir silahın kəşfi üzərində işləyirmiş. bu silah vasitəsi ilə elektrik cərəyanını uzağa ötürüb hədəfi məhv etmək mümkün imiş
p.s copy paste ettim